Скопски Градски Фестивал - Концерт на Ѓаконовски и Rushi и Stavridis Trio

Опис

Седмото издание на фестивалот е посветено на музичкиот и културниот дијалог меѓу Македонија и земјите од регионот и ќе се одржи од 18 до 25 септември.

Во фестивалската програма ќе учествуваат уметници од Македонија, Словенија, Албанија, Грција, Црна Гора и Бугарија.

Програмата ги обединува џезот, класичната музика, современите авторски композиции и музичкото наследство на Балканот.

Сите концерти ќе се одвиваат во Македонската Филхармонија.

МАРТИН ЃАКОНОВСКИ, GENT RUSHI И THANOS STAVRIDIS

Меѓународно афирмираниот македонски контрабасист Мартин Ѓаконовски ќе настапи со албанскиот пијанист и композитор Gent Rushi и грчкиот хармоникаш Thanos Stavridis.

Тројцата музичари, преку џезот, етномузиката и медитеранските влијанија, создаваат оригинален музички јазик што ги поврзува различните култури и традиции на Балканот.

Нивната соработка е директен пример за вредностите што ги застапува фестивалот: отвореност, културна размена, взаемно почитување и создавање нова уметничка вредност преку регионално поврзување.

Концертот започнува во 20:00 часот во малата сала на Филхармонија.

Скопски Градски фестивал е поддржан од: Град Скопје, Триглав Осигурување и НЛБ Банка.

Медиумски партнер: Слободен печат