Опис

Легендарниот Здравко Чолиќ по шест години се враќа во Скопје и тоа за прв пат со симфониски оркестар на 18 март 2025, во Арена Борис Трајковски!

Една од најголемите музички ѕвезди на сите времиња на нашите простори, пристигнува со дури 50 врвни музичари, новосадскиот Биг бенд и оперскиот оркестар на СНП од Нови Сад. Со оваа ексклузивната концертна програма која во рекордно време ги распродаде арените ширум регионот, конечно и македонската публика има можност да ужива во специјално избраниот репертоар и исклучителните аранжмани на диригентот Федор Вртачник.

Поради форматот на овој концерт, арената „Борис Трајковски“ на 18 март ќе биде исполнета ИСКЛУЧИВО СО МЕСТА ЗА СЕДЕЊЕ, поради што ќе биде намален максималниот капацитет, а тоа е дополнителен апел за публиката навреме да ги обезбеди своите влезници.